البت دى جامده يلا نروح نظبطها(المعاكسه) طبعا واجب قومى

    شاطر

    ????
    زائر

    البت دى جامده يلا نروح نظبطها(المعاكسه) طبعا واجب قومى

    مُساهمة من طرف ???? في الإثنين فبراير 23, 2009 12:24 pm

    المعاكسة واجب قومي وحق تجاه اي بنت نازلة الشارع وتاعبة نفسها ومتشيكه ومتظبطه وحاطة ميكاب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي ... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

    بس في مشكلة ...

    البنت اللي لبسها كويس ولابسة اسدال كمان او خمار بتتعاكس ليه .؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...

    طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

    طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....


    طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة...

    طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...


    ***على فكرة انا بوضح ليكم ان اللى بيعاكس بيحلل تصرفاته على انه صح وبيقنع نفسه بكدة بس هى غلط مية فى المية

    ????
    زائر

    رد: البت دى جامده يلا نروح نظبطها(المعاكسه) طبعا واجب قومى

    مُساهمة من طرف ???? في الإثنين فبراير 23, 2009 12:33 pm

    اه المعاكسه واجب وطنى فعلا
    والبلدى يوكل
    هههههههههههههههههههههههههههههههههههههههه
    شكرا يا سكره على التوبك
    avatar
    نور العيون
    Admin

    عدد الرسائل : 437
    العمر : 27
    الموقع : bebe.ba7r.org
    تاريخ التسجيل : 16/02/2009

    رد: البت دى جامده يلا نروح نظبطها(المعاكسه) طبعا واجب قومى

    مُساهمة من طرف نور العيون في الأحد مارس 01, 2009 6:50 pm

    مية مية يامنولة


    _________________
    _______________________________


    انت اجمل حاجة عندى انت جوة عيونى
    ننى حضنك الدافى بياخدنى من الناس والكون ومنى
    طول مافى احساس مابنا والحنين ساكن قلوبنا كل عاشق
    فى الزمان دة هنعلمة شوقى وشوقك

    ????
    زائر

    رد: البت دى جامده يلا نروح نظبطها(المعاكسه) طبعا واجب قومى

    مُساهمة من طرف ???? في الجمعة مارس 06, 2009 3:56 am

    شكرا ليكى ياويتش ونهى كمان



    بس المهم ان العيب على البنت فى النهايه والله ناس غريبه

      الوقت/التاريخ الآن هو السبت ديسمبر 15, 2018 9:35 pm